Dus dies cauds ena Vald'Aran. Temperatures agradables, un shinhau fresques entara dimenjada.

Aué dijaus 8 d'agost, serà ua jornada pro assolelhada damb quauqui bromalhs d'evolucion pendent era tarde, qu'en principi pas deisharien precipitacion.
Temperatures nautes (17°/30° en Les; 14°/28° en Unha).

Eth diuendres 9, seguiram damb solei e desvolopament de bromalhs convectius pendent era tarde. Pera net se poderie produsir bèt fèble plojat. Vents fèbles deth sud.
Temperatures diürnes fòrça nautes (19°/33° en Les; 17°/30° en Salardú).

Eth dissabte 10, auram solei en zònes nautes e bromères mès o mens escampilhades enes zònes mès baishes.
Temperatures en descenuda que mos deisharàn un ambient agradable (15°/24° en Les; 13°/22° en Unha).