Diuendres damb fòrça calor. Dimenjada de temperatures agradables.

Aué diuendres 9 d'agost, auram un maitin assolelhat. Pera tarde aumentarà era nivolositat e a darrères ores pas s'escarte bèt fèble plojat. Vents loishi deth sud damb quauqua bohada moderada en zònes nautes.
Temperatures fòrça nautes (17°/33° en Les; 16°/30° en Unha).

Eth dissabte 10, aurà bères bromères, qu'afectarien ath hons de Val e que serien escampilhades, damb çò que mos deisharien clarulhes. Enes zònes mès elevades era jornada serà assolelhada.
Acusada descenuda de temperatures que mos deisharà un ambient agradable (16°/24° en Les; 15°/22° en Unha).

Eth dimenge 11, eth maitin serà pro assolelhat damb quauqui intervaus de bromes. Era tarde serà pro caperada, damb probabilitat nauta de plojats, qu'en principi serien fèbles e intermitenti.
Vents fèbles deth sud damb quauqua bohada moderada en zònes nautes.
Es temperatures contunharàn agradables, encara qu'en cèrti moments fresques a causa deth vent (15°/23° en Les; 13°/21° en Unha).