9/9/19

Deluns estable. Dimars pro caperat damb plojats e còta de nhèu ath torn des 2.000 m.

Aué deluns 9 de seteme, auram un maitin assolelhat. Pera tarde aumentarà era nivolositat e pendent era net se poderie produsir quauque plojat.
Temperatures fresques (5°/20° en Vielha; 4°/18° en Salardú).

Eth dimars 10, serà pro caperat damb precipitacions discontinues de caractèr entre fèble e moderat. Era còta de nhèu se plaçarà en torn as 2.000 m e veiram es prumèrs cims nheuadi dera sason. Se poderien acumular der orde de 10 cm en còtes nautes. Vents de nòrd damb quauqua bohada moderada.
Temperatures en descenuda (8°/15° en Vielha; 6°/13° en Salardú).

Eth dimèrcles 11, pendent eth maitin encara auram quauquarren de nivolositat e pas s'escarte bèt fèble plojat. Era còta de nhèu pujant peth dessús des 3.000 m. Pera tarde se dauriràn clarulhes. Vents fèbles deth nòrd.

Temperatures diürnes en recuperacion (6°/21° en Vielha; 5°/19° en Salardú).