Dimars pro caperat damb quauqui plojats e nhèu en còtes nautes. Recuperacion de temperatures pendent era setmana.

Aué dimars 10 de seteme, serà ua jornada pro embromada, encara que pas s'escarte quauque clar esporadic. Se produsiràn precipitacions entre fèbles e moderades damb còta de nhèu ath torn des 2.000 m. Se poderien acumular der orde de 10 cm en còtes nautes. Vents de nòrd damb bèra bohada moderada.
Temperatures fresques, damb sensacion de heired incrementat peth vent (6°/15° en Vielha; 5°/13° en Salardú).

Eth dimèrcles 11, pendent era maitiada e prumères ores deth maitin encara auram nivolositat abondiua damb possibilitat de quauque plojat intermitent. A mesura qu'auance era jornada s'imposaràn es clarulhes. Vents deth nòrd damb bèra bohada moderada.
Recuperacion de temperatures, qu'encara seràn un shinhau fresques (8°/20° en Vielha; 6°/18° en Salardú).

Eth dijaus 12, serà assolelhat e damb temperatures normaus entara epòca (7°/24° en Vielha; 6°/23° en Salardú).