Dijaus un shinhau embromat, rèsta de setmana pro assolelhada. Temperatures de tardor.

Aué dijaus 5 de seteme, auram un maitin damb bromes alternades damb clarulhes e se produsirà bèra fèbla rogina. Pera tarde es clars seràn mès frequents. Vents fèbles deth nòrd.
Temperatures fresques damb sensacion termica un shinhau mès heireda accentuada per aire(9°/18° en Arró; 9°/17° en Montcorbau).

Eth diuendres 6, eth maitin serà assolelhat, encara que damb quauques bromes escampilhades a prumères ores. Pera tarde aurà cèus sereni. Vents fèbles deth nòrd.
Es temperatures seguiràn per jos es abituaus entara epòca (8°/19° en Arró; 7°/18° en Montcorbau).

Eth dissabte 7, auram solei, damb quauqui bromalhs nauti e fòrça primi pendent eth maitin. Vents fèbles deth nòrd.
Es temperatures en leugèr ascens, encara que contunharàn en tot èster de tardor, encara que mès agradables ath solei (7°/20° en Arró; 7°/19° en Montcorbau).