Solei damb ambient de tardor ena Val d'Aran.

Aué diuendres 6 de seteme, serà ua jornada assolelhada damb quauques bromes fòrça escampilhades a prumères ores. Vents fèbles deth nòrd.
Temperatures de tardor, encara qu'agradables ath solei (5°/19° en Arró; 4°/18° en Montcorbau).

Eth dissabte 7, auram solei leugeraments embaranat per quauqui bromalhs nauti e primi. Vents loishi de component nòrd.
Es temperatures contunharàn pro per jos des abituaus entà principis de seteme (6°/20° en Arró; 5°/19° en Montcorbau).

Eth dimenge 8, tornarà a èster assolelhat damb quauqui intervaus de bromes escampilhades. Brises deth nòrd.
Temperatures sense cambias (7°/20° en Arró; 6°/19° en Montcorbau).