Estabilitat e temperatures de tardor. Cambi de temps entath dimars.

Aué dissabte 7 de seteme, serà un dia assolelhat damb quauqui bromalhs nauti e primi que embaranaràn leugèraments eth cèu. Vents fèbles deth nòrd.
Es temperatures contunharàn per jos des abituaus entara epòca (5°/20° en Vielha; 4°/18° en Montcorbau).

Eth dimenge 8, seguiram damb ambient majoritàriaments assolelhat encara que damb quauqui intervaus de bromalhs baishi e escampilhadi. Vents loishi deth nord-oest.
Es temperatures contunharàn de tardor (7°/20° en Vielha; 6°/18° en Montcorbau).

Eth deluns 9, eth maitin serà assolelhat. Pera tarde aumentarà era nivolositat e pendent era net se poderie produsir quauque fèble plojat.
Temperatures similares as jornades anteriores (6°/20° en Vielha; 5°/18° en Montcorbau).

Eth dimars 10, semble que poderíem auer es prumères nhèus dera sason peth dessús des 2.000 m. Ac confirmaram en pròplèus bulletins.