24/9/19

Dimars pro assolelhat e damb temperatures agradables. Dimèrcles un shinhau mès de tardor.

Aué dimars 24 de seteme, eth maitin serà assolelhat damb quauqui bromalhs mieis. Pera tarde apareisheràn bromères a miei vessant, que se haràn mès compactes e poderien deishar quauqua fèbla rogina pendent era net.
Temperatures agradables (10°/23° en Canejan; 9°/22° en Casau).

Eth dimèrcles 25, auram bromèra aranesa alternada damb clarulhes; pas s'escarte bèra fèbla rogina, sustot pendent era maitiada e peth maitin.
Temperatures fresques (9°/19° en Canejan; 9°/18° en Casau).

Eth dijaus 26, pendent eth maitin encara auram bromes escampilhades. Era tarde serà assolelhada.
Temperatures en ascens, leugèraments peth dessús des abituaus entara epòca (10°/23° en Canejan; 9°/22° en Casau).