Dimèrcles damb bromères, quauques clarulhes, mar de bromes e temperatures fresques

Aué dimèrcles 25 de seteme, serà ua jornada damb bromères a miei vessant, alternades damb quauques clarulhes que serien mès frequents ath torn de meddia. Enes zònes mès nautes auram solei pendent grana part deth dia que mos deisharà observar eth mar de bromes. Pas s'escarte quauqua fèbla e isolada rogina sustot pendent eth maitin. Vents loishi deth nòrd.
Temperatures un shinhau fresques (12°/19° en Canejan; 11°/18° en Casau).

Eth dijaus 26, a prumères ores encara aurà quauqua broma escampilhada, era rèsta dera jornada serà assolelhada.
Temperatures minimes fresques diürnes agradables (10°/24° en Canejan; 10°/23° en Casau).

Eth diuendres 27, contunharam damb solei, encara que damb quauques bromes escampilhades qu'a darrèra ora se poderien hèr un shinhau mès compactes.
Temperatura similar ara jornada anteriora (10°/24° en Canejan; 9°/23° en Casau).