Dimenjada variabla, damb temperatures agradables e en descenuda eth dimenge.

Aué diuendres 20 de seteme, serà ua jornada damb alternancia de clars e bromes  nautes e mieges. Pera tarde aumentarà era nivolositat e se poderie produsir bèt plojat qu'en principi seràn mès probables en vessant sud des Pirenèus. Vents fèbles deth sud-oest.
Temperatures peth dessús des abituaus entara epòca (11°/26° en Aubèrt; 9°/24° en Tredòs).

Eth dissabte 21, auram cèus embaranadi per bromes nautes e mieges. Pendent era tarde es bromalhs seràn un shinhau mès denssi e pas s'escarte quauque fèble plojat. Vents loishi deth sud.
Temperatures similars ara jornada anterior (12°/25° en Aubèrt; 10°/23° en Tredòs).

Eth dimenge 22, pendent eth maitin s'alternaràn clarulhes damb bromalhs mieis. Pera tarde aumentarà era nivolositat e se poderien produsir quauqui plojats. Vents fèbles deth sud.
Temperatures diürnes fresques e en notabla descenuda respecte a jornades anteriores (11°/19° en Aubèrt; 9°/17° en Tredòs).