19/9/19

Maitin assolelhat e probables tronades de tarde.

Aué dijaus 19 de seteme, pendent eth maitin auram solei alternat damb quauqui bromalhs escampilhadi de tipus naut e miei. A compdar de meddia se desvoloparàn bromalhs d'evolucion, damb probabilitat nauta de tronades pendent era tarde e que puntuauments poderien èster intenses.
Temperatures agradables normaus entara epòca (10°/24° en Aubèrt; 8°/22° en Tredòs).

Eth diuendres 20, pendent eth maitin aurà solei embaranat per bromalhs nauti. Pera tarde se tornaràn a formar bromalhs d'evolucion damb probabilitat mieja de tronada. Vents fèbles deth sud.
Temperatures en leugèr aument respecte ara jornada anterior (10°/26° en Aubèrt; 8°/24° en Tredòs).

Eth dissabte 21, auram bromalhs de nauti e mieis alternadi damb clars. Pendent era tarde pas s'escarte bèt fèble plojat. Vents loishi deth sud.
Temperatures similares ara jornada anteriora (11°/26° en Aubèrt; 10°/24° en Tredòs).