1/10/19

Dimars damb quauques precipitacions pera tarde. Dimèrcles fresc.

Aué dimars 1 d'octobre, auram un maitin assolelhat damb quauqui bromalhs nauti. Pera tarde aumentarà era nivolositat e se produsiràn bèri plojats que puntuauments poderien èster en forma de tronada. Vents fèbles deth nòrd a darrères ores.
Temperatures agradables encara qu'en descenuda pendent era tarde (10°/23° en Betren; 8°/21° en Bagergue).

Eth dimèrcles 2, serà pro caperat, encara que se dauriràn clarulhes sustot pendent era tarde. Se pòden produsir quauques precipitacions fèbles peth maitin. Vents loishi deth nòrd.
Notabla descenuda des temperatures diürnes que se plaçaràn per jos des abituaus (10°/17° en Betren; 8°/15° en Bagergue).

Eth dijaus 3, pendent eth maitin auram cèus enteladi per bromalhs nauti; era tarde serà assolelhada.
Recuperacion de temperatures diürnes, ath temps que es nocturnes seràn un shinhau mès fresques (6°/21° en Betren; 5°/18° en Bagergue).