Dimèrcles fresc e damb quauques rogines. Milhoria entàs pròplèus dies.

Aué dimèrcles 2 d'octobre, serà ua jornada pro caperada encara que damb quauques clarulhes, sustot pendent era tarde. Se produsiràn de forma intermitenta rogines e plojats fèbles que desapareisheràn a darrères ores. Còta de nhèu ath torn des 2.300 m. Vents fèbles deth nòrd damb quauqua bohada moderada en zònes nautes.
Temperatures fresques (10°/16° en Betren; 8°/14° en Bagergue).

Eth dijaus 3, pendent eth maitin encara auram un shinhau de bromères alternades damb clars. Era tarde serà assolelhada. Vents loishi deth nòrd.
Temperatures minimes fresques, diürnes normaus entara epòca (7°/20° en Betren; 5°/18° en Bagergue).

Eth diuendres 4, eth maitin serà assolelhat damb quauqui bromalhs baishi escampilhadi que pendent era tarde serien un shinhau mès densi.
Temperatures abituaus de prumers d'octobre (8°/21° en Betren; 7°/19° en Bagergue).