Pònt de noveme variable en Aran.

Aué dijaus 31 d'octobre, auram un maitin pro caperat, damb precipitacions fèbles. Còta de nhèu ath torn des 2.500 m. Pendent era tarde remeteràn es plojats e se dauriràn quauques clarulhes. Vents fèbles deth nòrd.
Temperatures diürnes fresques (9°/16° en Benós; 8°/15° en Gessa).

Eth diuendres 1 de noveme, començarà era jornada damb cèus sereni que se corbiràn a mesura qu'auance eth dia. Se pòden produsir precipitacions que començarien de forma fèbla e escampilhada a miei maitin e que serien mès probables pendent era tarde e net. Còta de nhèu ath torn des 2.800 m.
Temperatures maximales en leugèr ascens (6°/19° en Benós; 5°/17° en Gessa).

Eth dissabte 2, s'alternaràn bromalhs damb quauqui clars e se poderien produsir bèra fèbla e discontinua precipitacion. Còta de nhèu sus es 2500 m. Vents fèbles deth sud.
Temperatures similares as d'aué (9°/16° en Benós; 8°/14° en Gessa).

Eth dimenge 3, auram bromes damb quauques clarulhes que seràn mès frequents pendent era tarde. Se pòt produsir bèra precipitacion moderada pendent era maitiada e mès fèbla pendent eth maitin e en tot desaparéishe pera tarde. Còta de nhèu sus es 2.200m en tot descéner puntuauments cap as 1.600 m. Vents fèbles de direccion variabla damb quauqua bohada moderada.
Temperatures similares as dera jornada anteriora (6°/15° en Benós; 5°/14° en Gessa).