Dimenjada pro variabla damb quauques nheuades en còtes nautes eth dimenge.

Aué diuendres 1 de noveme, auram ua jornada caperada encara que damb quauques clarulhes. Se pòden produsir plojats fèbles e intermitenti qu'a darrères ores serien un shinhau mès continus.
Temperatures minimes heiredes, ath temps que es diürnes se plaçaràn quauquarren peth dessús des abituaus entara epòca (5°/19° en Benós; 4°/17° en Gessa).

Eth dissabte 2, pendent eth maitin s'alternaràn bromalhs e clarulhes. Pera tarde era nivolositat serà mès compacta. Possibilitat de precipitacions fèbles e intermitentes pendent tota era jornada. Vents fèbles deth sud-oest.
Descenuda des temperatures diürnes (8°/15° en Benós; 7°/13° en Gessa).

Eth dimenge 3, serà pro embromat, encara qu'a darrères ores se dauriràn clars. Se pòden produsir precipitacions entre fèbles e moderades des dera maitiada e que s'alongarie enquia mieja tarde. Era còta de nhèu se plaçarà en torn as 2.000 m. Vents fèbles deth nòrd.
Es temperatures contunharàn en descenuda (7°/13° en Benós; 5°/11° en Gessa).