Dissabte e dimenge variable damb borrats irregulars e un shinhau de nhèu en còtes nautes.

Aué dissabte 2 de noveme, pendent eth maitin s'alternaràn bromalhs e clars e pas s'escarte bèt fèble e isolat roginat. Pera tarde era nivolositat serà mès compacta e se poderie produsir bèra precipitacion fèbla damb còta de nhèu ath torn des 2.500 m. Vents fèbles deth sud-oest.
Temperatures normaus entara epòca (7°/15° en Benós; 5°/13° en Gessa).

Eth dimenge 3, eth maitin serà pro caperat damb plojats moderadi e intermitenti encara qu'a prumèra ora serien intensi. Pendent era tarde auram bromes damb quauques clarulhes e es precipitacions seràn mès escampilhades.
Còta de nhèu sus es 2.200 m en tot descéner puntuauments as 1.700 m. Vents fèbles deth nòrd-oest.
Temperatures en descenuda (7°/13° en Benós; 5°/11° en Gessa).

Eth deluns 4, pendent eth maitin auram clarulhes alternades damb bromes baishes. Pera tarde era nivolositat serà mès compacta e se poderien produsir precipitacions fèbles damb còta de nhèu ath torn des 2.200 m. Vents fèbles deth sud-oest.
Temperatures en leugèr ascens (7°/16° en Benós; 5°/14° en Gessa).