Dimenjada d'iuèrn ena Val d'Aran.

Aué diuendres 8 de noveme, serà ua jornada pro caperada encara que damb quauqua clarulha esporadica. Se pòden produsir precipitacions fèbles e intermitentes pendent eth maitin, un shinhau mès intenses e contínues pendent era tarde e net. Còta de nhèu ath torn des 1.000 m en tot descéner puntuauments cap as 800 m. Acumulacions d'uns 30 cm en còtes nautes. Vents deth nòrd damb quauqua bohada fòrta en zònes nautes.
Temperatures iuernaus (0°/5° en Gausac; -3°/2° en Bagergue).

Eth dissabte 9, serà un dia un shinhau mès tranquil, damb nivolositat abondiua e quauques clarulhes. Pendent era maitiada e prumères ores deth maitin encara auram bères nheuades que tenderàn a desaparéisher pendent grana part dera jornada, entà tornar a darrères ores. Còta de nhèu entre es 1.100 e es 900 m. Vents deth nòrd damb quauqua bohada fòrta en zònes nautes.
Es temperatures contunharàn en tot èster de plen iuèrn (2°/5° en Gausac; -1°/3° en Bagergue).

Eth dimenge 10, pendent era maitiada e eth maitin se produsiràn precipitacions moderades que remeterien pendent era tarde. Es nheuades se produsiràn peth dessús des 800 m encara que puntuauments poderien descéner a quinsevolha còta. S'acumularie der orde de 25 cm en Cap de Baqueira. Vents deth nòrd damb quauqua bohada moderada en zònes nautes.
Temperatura similar as jornades anteriores (0°/5° en Gausac; -2°/3° en Bagergue).