Jornades iuernaus damb nheuades qu'acumularàn mès de 50 cm en Baqueira.

Aué dijaus 7 de noveme, serà ua jornada caperada damb precipitacions fèbles pendent eth maitin, moderades pera tarde e en tot ténder a desaparéisher pera net. Còta de nhèu sus es 1.500 m en tot descéner cap as 1.200 m a darrères ores e dilhèu per dejós. Acumulacions de mès de 15 cm en còtes nautes.
Temperatures heiredes (2°/7° en Gausac; 1°/4° en Bagergue).

Eth diuendres 8, contunharam damb nivolositat abondiua, encara que pendent eth maitin se podien daurir quauques clarulhes; precipitacions fèbles a intermitentes peth maitin. Pera tarde seràn mès contínues e de moderades a intenses. Còta de nhèu entre es 1.200 as 1.000 m. Es nheuades acumularàn ath torn de 40 cm en Baqueira 2.500. Vents fèbles deth nòrd, moderadi a darrères ores.
Es temperatures contunharàn en tot èster de plen iuèrn (0°/7° en Gausac; -1°/4° en Bagergue).

Eth dissabte 9, eth maitin serà caperat damb precipitacions moderades pendent era maitiada e fèbles peth maitin era còta de nhèu se plaçarà ath torn des 800 m. Pera tarde desapareisherant es nheuades e se dauriràn quauqui clars. Vents deth nòrd.
Temperatures similares a jornades anteriores (1°/9° en Gausac; 0°/6° en Bagergue).