6/11/19

Setmana d'iuern damb nheuades qu'anaràn a mès entà quasi assegurar er inici de sason de ski.

Aué dimèrcles 6 de noveme, auram un maitin pro caperat, damb quauques precipitacions entre fèbles e moderades. Còta de nhèu sus es 1.400 m encara que puntuauments podria descéner un shinhau mès. Acumulacions de 10 a 15 cm en Cap de Baqueira. Pera tarde desapareisherant es precipitacions e se dauriràn clars. Vents fèbles deth nòrd-oest.
Temperatures per jos es normaus entara epòca (1°/10° en Gausac; 0°/7° en Bagergue).

Eth dijaus 7, pendent era maitiada s'alternaràn bromalhs e clarulhes. A prumères ores deth maitin aumentarà era nivolositat e se produsiràn plojats entre fèbles e moderadi que de manèra mès o mens contínua perdurarien pendent era rèsta dera jornada. Còta de nhèu enes 1.600 pendent eth maitin en tot descéner peth dia cap as 1.100 m. Acumulacions de mès de 10 cm en còtes nautes.
Temperatures heiredes (1°/8° en Gausac; -2°/5° en Bagergue).

Eth diuendres 8, serà ua jornada iuernau, damb ua tarde de precipitacions entre moderades intenses. Còta de nhèu que se plaçarà ath torn des 1.000 m, encara que puntuauments poderie descéner pro per jos aguesta còta. Acumulacions de nhèu peth dessús des 40 cm en Baqueira 2.500. Vents moderadi deth nòrd-oest damb quauqua bohada intensa.
Temperatures de plen iuèrn (0°/6° en Gausac; -2°/3° en Bagergue).