Dimenjada iuernau ena Val d'Aran.

Aué diuendres 15 de noveme, auram un maitin damb cèus embaranadi per quauqui bromalhs nauti e mieis. Pera tarde aumentarà era nivolositat e se produsirà bèra precipitacion fèbla, puntuauments moderada. Còta de nhèu sus es 700 m e acumulacions de 10 cm en Cap de Baqueira.
Temperatures de plen iuèrn (-2°/6° en Les; -6°/3° en Tredòs).

Eth dissabte 16, eth maitin serà pro assolelhat; pendent era tarde aumentarà era nivolositat. A darrères ores e pera net se produsiràn precipitacions entre fèbles e moderades damb còta de nhèu ath torn des 800 m. Acumulacions que poderien superar es 20 cm en còtes nautes.
Es temperatures contunharàn fòrça heiredes entara epòca (-3°/6° en Les; -6°/3° en Tredòs).

Eth dimenge 17, serà pro caperat damb precipitacions moderades pendent era maitiada e en tot aloishar pendent era jornada. Còta de nhèu que se plaçarà entre es 800 e es 1.100 m. Se poderien acumular uns 10 cm mès en Baqueira 2.500.
Ascens des temperatures, sustot es minimes (0°/8° en Les; -2°/5° en Tredòs).