14/11/19

Maitin de dijaus damb nheuades ena Val d'Aran; estabilizacion entara dimenjada.

Aué dijaus 14 de noveme, serà ua jornada caperada damb precipitacions moderades, puntuauments intenses, pendent eth maitin. Pera tarde es nheuades anaràn aloishant e a darrères ores se poderie daurir quauque clar. Còta de nhèu ath torn des 900 m encara que puntuauments poderie descéner un shinhau mès. Acumulacions previstes de mès de 20 cm en Cap de Baqueira.
Temperatures heiredes (0°/7° en Les; -3°/4° en Tredòs).

Eth diuendres 15, serà mès assolelhat damb intervaus de bromes. Pendent era tarde se poderie produsir bèra fèbla precipitacion damb còta de nhèu sus es 700 m.
Temperatures iuernaus (-2°/5° en Les; -4°/2° en Tredòs).

Eth dissabte 16, auram cèus sereni e temperatures fòrça per jos des abituaus entara epòca (-3°/6° en Les; -5°/3° en Tredòs).

Aué profitam era nheuada entà presentar-mos era nòsta webcam de Vielha que a compdar d'ara podetz consultar ena nòsta pagina de webcams dera Val d'Aran e qu'auem pogut installar tamb era collaboracion des nòsti amics de www.meteovallsdaneu.com e que tanben poderatz consultar ena sua pagina.
Ja vos auançam que pas serà era darrèra qu'installem...