Dimenjada variabla damb temperatures doces e quauques nheuades de net.

Aué diuendres 29 de noveme, auram ues prumères ores damb nivolositat abondiua que se daurirà entà deishar-mos ua jornada pro assolelhada. Vents fèbles deth nòrd.
Temperatures un shinhau peth dessús des normaus entara epòca (2°/12° en Vielha; -1°/3° en Baqueira 1800).

Eth dissabte 30, serà assolelhat damb quauqui intervaus de bromalhs nauti e primi. A darrères ores aumentarà era nivolositat e pendent era net se produsiràn precipitacions fèbles, puntuauments moderades. Còta de nhèu sus es 2.000 m, encara que puntuauments poderie descéner quauquarren mès. Acumulacions d'uns 10 cm en còtes nautes.
Temperatures diürnes doces (2°/15° en Vielha; -2°/4° en Baqueira 1800).

Eth dimenge 1 de deseme, a prumères ores serà pro caperat, encara que pendent eth maitin se dauriràn clarulhes. Pera tarde aumentarà era nivolositat e a darrères ores e pendent era net se produsiràn precipitacions damb còta de nhèu en tot descéner des 1.600 m cap as 1.000 m. Celhs De 10 a 15 cm en còtes nautes.
Temperatures en descenuda (2°/10° en Vielha; -4°/0° en Baqueira 1800).