Jornades pro estables, damb cèus variables e temperatures doces.

Aué dijaus 28 de noveme, auram clars alternadi damb intervaus de bromes baishes; a darrères ores aumentarà era nivolositat. Pas s'escarte quauque fèble e isolat plojat pendent eth maitin, ath temps que a darrères ores se poderien dar quauques precipitacions fèbles damb còta de nhèu ath torn des 1.900 m.
Temperatures doces (4°/12° en Canejan; 2°/12° en Arties).

Eth diuendres 29, es prumères ores seràn pro caperadesce damb possibilitat de bèra fòrça fèbla e isolada rogina; pendent era tarde s'imposaràn es clars.
Temperatura similar ara jornada anterior (5°/12° en Canejan; 3°/10° en Arties).

Eth dissabte 30, pendent eth maitin e prumères ores dera tarde auram solei embaranat per bromalhs nauti. A compdar de mieja tarde aumentarà era nivolositat e pendent era net auram precipitacions damb còta de nhèu enes 1.900 m en tot descéner cap as 1.500 m.
Descenuda des temperatures nocturnes ath temps que eth diürnes seràn un shunhau mès nautes (1°/15° en Canejan; 0°/13° en Arties).