Diuendres damb aire d'España. Dissabte damb quauques nheuades en còtes mieges. Dimenge caperat tamb bères clarulhes.

Aué diuendres 22 de noveme, auram ua jornada damb solei embaranat per quauques bromes nautes e mieges. Pera tarde era nivolositat serà un shinhau mès compacta e se produsiràn bères precipitacions que seràn intenses en vessant sud des Pirenèus; ath temps que en Aran seràn entre fèbles e moderades, en tot amendrir d'intensitat quant mès ath nòrd mos trobem (Ploirà més en Vielha que en Canejan e bric en Saint Gaudens). Era còta de nhèu se plaçarà ath torn des 1.800 m. Acumulacions de 5 a 10 cm en Baqueira 2.500.
A compdar de meddia, atencion tamb eth vent que serà fòrt deth sud damb quauques bohades fòrça fòrtes en zònes nautes.
Temperatures leugèraments peth dessús des abituaus entara epòca (1°/11° en Begós; -1°/9° en Mont).

Eth dissabte 23, a prumères ores aurà clars damb quauqui intervaus embromadi; a compdar de miei maitin aumentarà era nivolositat e pera tarde se produsiràn precipitacions moderades. Era còta de nhèu se plaçarà ath torn des 1.300 m, encara que puntuauments poderie descéner quauquarren mès. Acumulacions d'uns 15 cm en còtes nautes.
Vents fèbles damb quauqua bohada moderada, deth sud-oest pendent eth maitin, en tot virar a nòrd pera tarde.
Temperatures normaus entara epòca (2°/9° en Begós; 1°/7° en Mont).

Eth dimenge 24, auram brumes alternadas damb quauques clarulhes qu'a darreres ores serien mès frequentes.
Temperatures diürnes en leugèr ascens (1°/10° en Begós; 0°/8° en Mont).