Dijaus damb solei e quauques bromes nautes. Diuendres damb cambi de temps pera tarde.

Aué Dijaus 21 de noveme, serà ua jornada assolelhada damb intervaus de bromalhs nauti e mieis que embaranaràn eth cèu.
Temperatures abituaus entara epòca (-1°/10° en Begós; -3°/8° en Mont).

Eth diuendres 21, s'alternaràn bromes e clars; pendent era tarde se produsiràn precipitacions, puntuauments moderades, qu'afectarien principauments ath vessant sud des Pirenèus e qu'ena Val d'Aran amendriràn d'intensitat a mesura que mos desplaçam cap ath nòrd. Còta de nhèu us es 1.700 m
Vents moderadi deth sud damb bohades fòrtes e fòrça fòrtes en zònes nautes.
Temperatures similares ara jornada anteriora (-1°/11° en Begós; -2°/8° en Mont).

Eth dissabte 22, pendent eth maitin s'alternaràn bromes e clarulhes; pera tarde era nivolositat serà mès importanta e se produsiràn quauques precipitacions, damb còta de nhèu ath torn des 1.500 m, encara que puntuauments poderie descéner un shinhau mès.
Vents moderadi deth sud pendent eth maitin, en tot cambiar a nòrd pera tarde.
Es temperatures contunharàn laguens des abituaus entà miei noveme (2°/9° en Begós; 0°/7° en Mont).