Deluns damb nheuades moderades en còtes nautes e mieges.

Aué deluns 9 de deseme, auram un maitin damb nivolositat abondiua, quauque clar esporadic e precipitacions fèbles que serien de nhèu peth dessús des 1.400 m. Pendent era tarde es precipitacions serien moderades, puntuauments intenses, en tot descéner era còta cap as 1.100 m, incús un shinhau mès. Acumulacions que poderien superar es 30 cm e qu'ena divisòria nòrd-orientau damb França poderien èster mès nautes. Vents moderadi de nòrd-oest damb quauques bohades fòrtes en zònes nautes.
Temperatures normaus entara epòca (1°/9° en Bossòst; -4°/-2° en Baqueira 1.800)

Eth dimars 10, serà pro assolelhat damb quauqui bromalhs nauti escampilhadi.
Descenuda des temperatures minimes, ath temps que es maximales seràn similares ara jornada anteriora (-1°/10° en Bossòst; -7°/1° en Baqueira 1.800).

Eth dimèrcles 11, pendent eth maitin s'alternaràn bromalhs de tipe naut damb clars. Pera tarde era nivolositat serà mès destacabla e se produsiràn precipitacions fèbles damb còta de nhèu ath torn des 1.000 m e acumulacions de 10 a 15 cm en còtes nautes.
(1°/9° en Bossòst; -3°/0° en Baqueira 1.800).