10/12/19

Dimars pro estable. Aument d'inestabilitat en transcors dera setmana.

Aué dimars 10 de deseme, serà ua jornada pro assolelhada encara que damb quauques bromes escampilhades pendent eth maitin; bromalhs nauti e primi pera tarde e net.
Temperatures leugèraments peth dessús des abituaus entara epòca (2°/11° en Bossòst; -5°/0° en Baqueira 1.800).

Eth dimèrcles 11, pendent eth maitin s'alternaràn bromes e clars. Pera tarde era nivolositat serà mès importanta e se produsiràn precipitacions fèbles damb còta de nhèu ath torn des 1.400 m en tot descéner cap as 800 m. Acumulacions d'uns 15 cm en còtes nautes.
Vents fèbles de nòrd damb quauqua bohada moderada en zònes nautes.
Temperatures en descenuda (0°/8° en Bossòst; -5°/-1° en Baqueira 1800).

Eth dijaus 12, serà pro caperat damb precipitacions pendent era maitiada e a darrères ores. Còta de nhèu en tot pujar des de 1.000 cap as 1.400 m Se poderien acumular mès de 20 cm en còtes nautes.

Leugèr ascens de temperatures (2°/10° en Bossòst; -7°/-1° en Baqueira 1800).

Eth diuendres es precipitacions poderien èster abondiues encara que damb còta de nhèu peth dessús des 2.000 m: ac confirmaram en següents bulletins.