Tres jornades enes que se poderie acumular mès d'un mètro de nhèu en còtes nautes dera Val d'Aran.

Aué dimèrcles 11 de deseme, auram un maitin damb clarulhes e bromes. Era tarde serà caperada damb precipitacions moderades a prumères ores e pendent era net. Còta de nhèu enes 1.200 m en tot descéner cap as 900 m. Acumulacions d'uns 20 cm en còtes nautes.
Vents fèbles deth nòrd damb quauqua bohada moderada en zònes nautes e exposades.
Temperatures leugèraments per jos des abituaus entara epòca (1°/8° en Bossòst; -2°/0° en Baqueira 1800).

Eth dijaus 12, serà pro embromat damb precipitacions fèbles pendent eth maitin, e còta de nhèu enes 1.200 m. A prumères ores dera tarde auram ua trèva. A darrères ores s'intensificaràn es precipitacions en tot pujar era còta cap as 1.800 m. Acumulacions pendent tota era jornada de 20 cm en Cap de Baqueira. Vents fèbles deth sud-oest.
Descenuda de temperatures (2°/9° en Bossòst; -7°/-2° en Baqueira 1800).

Eth diuendres 13, serà ua jornada caperada damb precipitacions intenses que mos deisharàn ua nheuada abondiua, que superarie es 50 cm en còtes peth dessús des 1.800 m.
Vents de nòrd-oest moderat damb quauques bohades fòrtes.
Temperatures en ascens (4°/11° en Bossòst; -1°/0° en Baqueira 1800).