Dijaus variable damb precipitacions en tot intensificase a darrères ores. Diuendres damb nheuades abondiues en còtes nautes.

Aué dijaus 12 de deseme, auram un maitin caperat damb precipitacions fèbles e còta de nhèu ath torn des 1.300 m. Entorn a meddia e prumères ores dera tarde aloisharàn es precipitacions e se poderien daurir quauques clarulhes. A darrères ores dera tarde tornaràn es precipitacions de caractèr moderat e damb còta de nhèu pujant cap as 1.500 m. Pendent era net es plojats seràn intensi e era còta pujarà cap as 1800 m. Acumulacions de 30 a 40 cm  en còta 2.500. Vents fèbles de direccion variabla.
Temperatures normaus entara epòca (2°/9° en Bossòst; -4°/-1° en Baqueira 1800).

Eth diuendres 13, serà fòrça embromat damb precipitacions abondiues entre moderades e intenses. Còta de nhèu sus es 1.800 m encara qu'en cèrti moments un shinhau mès nauta. Acumulacions que poderien superar es 50 cm en còta 2.500. Avisi actius de Aemet e Meteocat.
Vents moderadi deth nòrd-oest damb quauqua bohada fòrta.
Temperatures en ascens (4°/11° en Bossòst; -1°/1° en Baqueira 1.800).

Eth dissabte 14, pendent era maitiada e eth maitin encara auram quauques bromes e bromalhs baishi, encara que se dauriràn quauques clarulhes. Pera tarde es clars seràn mès frequents e alternadi damb bromalhs nauti e primi
Temperatures similars (5°/12° en Bossòst; -2°/0° en Vaquèira 1800).

Semble qu'eth dimenge serie pro assolelhat.

Podetz arrecéber un auanç entara dimenjada en tot soscriuer-se ath nòste bulletin setmanau en següent enlaç:
http://eepurl.com/Jn2uv