Deluns damb vent d'España ena Val d'Aran.

Aué deluns 16 de deseme, serà ua jornada damb clars alternadi damb quauqui bromalhs de tipe naut e miei. Vent d'Espanha, de caractèr moderat puntuauments fòrça fòrt, sustot en zònes nautes Aguest vent poderie rosigar quauqua gota sustot ena zòna mès meridionau dera Val.
Temperatures rescauades pera accion deth vent (5°/16° en Les; 1°/2° en Baqueira 1800).

Eth dimars 17, pendent eth maitin seguiram damb cèu embaranat per bromalhs nauti. Pera tarde aumentarà nivolositat e se poderie produsir quauqua precipitacion fèbla damb còta de nhèu sus es 1.900 m. Vents fèbles deth sud-est damb quauqua bohada moderada en zònes nautes.
Es temperatures contunharàn peth dessús des abituaus (5°/14° en Les; -1°/1° en Baqueira 1800).

Eth dimèrcles 18, serà pro assolelhat, encara que damb quauques bromes escampilhades a prumères ores. Vents deth sud damb quauqua bohada moderada.
Es temperatures contunharàn en tot èster doces (3°/13° en Les; 0°/1° en Baqueira 1800).