Temperatures doces damb vents deth sud entàs pròplèus dies.

Aué dimars 17 de deseme, auram un maitin damb cèus embaranadi per bromalhs nauti e mieis, alternadi damb clarulhes. Eth meddia e era tarde seràn pro assolelhades, encara qu'a darrères ores apareisheràn quauques bromes. Pendent era jornada se produsiràn bères fèbles e intermitentes precipitacions ena zòna mès meridionau dera Val, ath temps que en limit nòrd es plojats seràn quasi inexistenti. Era còta de nhèu se plaçarà ath torn des 2.000 m. Vents moderadi deth sud damb quauqua bohada fòrta en zònes nautes.
Temperatures nautes e rescauades peth vent deth sud (12°/14° en Les; 2°/3° en Baqueira 1.800).

Eth dimèrcles 17, a prumères ores encara demoraràn quauques bromes escampilhades; era rèsta dera jornada serà pro assolelhada, encara que damb quauqui intervaus de bromalhs nauti e primi. Vents fèbles deth sud damb quauqua bohada moderada en zònes nautes.
Descenuda des temperatures minimes, ath temps que es maximales contunharàn en tot èster pro peth dessús des abituaus entara epòca (3°/15° en Les; -2°/1° en Baqueira 1.800).

Eth dijaus 18, pendent eth maitin i aurà bromalhs nauti e mieis que mitigaràn eth solei. A darrères ores aumentarà era nivolositat e se produsiràn plojats que pendent era net serien entre moderadi e intensi. Era còta de nhèu se plaçarà ath torn des 1.900 m. Vents deth sud damb bohades fòrtes pendent era tarde.
Es temperatures contunharàn en tot èster doces (5°/14° en Les; -3°/1° en Baqueira 1.800).