Dimèrcles pro estable. Cambi de temps eth dijaus pera tarde, damb precipitacions e vents fòrti pendent era net.

Aué dimèrcles 18 de deseme, auram un maitin damb cèus embaranadi per bromalhs nauti; era tarde serà mès assolelhada. Vents deth sud damb quauqua bohada moderada en zònes nautes.
Temperatures nautes entara epòca (5°/15° en Les; 3°/2° en Baqueira 1800).

Eth dijaus 19, auram bromalhs nauti e mieis que mitigaràn eth solei, en quauqui moments l'arribaràn a corbir totauments. Pendent era tarde se pòt produsir bèra precipitacion fèbla sustot en extrèm sud dera Val. Pendent era net es precipitacions poderien èster intenses e puntuauments fòrça intenses, principauments pendent era maitiada. Còta de nhèu us es 2.000 m.
Vents deth sud moderadi pendent eth maitin, fòrts pera tarde e atencion pendent era net que serien fòrça fòrti.
Es temperatures seràn peth dessús des normaus entara epòca (4°/15° en Les; -2°/2° en Baqueira 1800).

Eth diuendres 20, serà pro caperat encara qu'a darrères ores se dauriràn clarulhes.
Precipitacions intenses a prumères ores e que remeteràn pendent era tarde. Còta de nhèu ath torn des 1.900 m
Vents deth sud fòrça fòrt pendent era maitiada, en tot aloishar pendent era jornada.
Es temperatures contunharàn nautes encara qu'en leugèra descenuda (5°/12° en Les; 0°/1° en Baqueira 1800).