Dijaus variable damb vents fòrça fòrti e precipitacions intenses pendent era net.

Aué dijaus 19 de deseme, auram clars alternadi damb quauqui bromalhs qu'anaràn a mès a mesura qu'auance era jornada. Plojats fèbles e intermitenti pendent era tarde, en tot intensificase pera net e fòrça intensi pendent era maitiada. Era còta de nhèu se plaçarà peth dessús des 2.000 m. Es plojats seràn mès abondius ena zòna mès meridionau dera Val e fòrça abondiues en vessant sud des Pirenèus.
Vents moderadi de sud pendent eth dia. Atencion pendent era net e maitiada pr'amor qu'es vents seràn fòrça fòrti damb bohades qu'en zònes nautes poderien superar es 130 km/h segontes Aemet.
Temperatures nautes entara epòca (8°/16° en Les; -2°/2° en Baqueira 1.800).

Eth diuendres 20, serà pro caperat encara que se dauriràn clarulhes, sustot de cara ara tarde. Se produsiràn precipitacions fòrça intenses en limit sud dera Val pendent era maitiada e prumères ores deth maitin e remeteràn pendent era jornada.
Es vents intensi dera maitiada perderàn fòrça pendent eth maitin e sustot pera tarde.
Leugèra descenuda des temperatures, encara que contunharàn peth dessús des abituaus (5°/12° en Les; 0°/1° en Baqueira 1.800).

Eth dissabte 21, peth maitin auríem solei alternat damb nivolositat escampilhada. Pera tarde era nivolositat serà mès importanta e se poderie produsir quauque fèble plojat damb còta de nhèu sus es 2.100m en tot descéner cap as 1.600 m pendent era net.
Vents moderadi deth sud damb bères bohades fòrtes en zònes nautes.
Leugèr ascens de temperatures (3°/15° en Les; -6°/2° en Baqueira 1800).