20/12/19

Dimenjada pro variable en Aran.

Aué diuendres 20 de deseme, auram ua jornada damb alternancia de bromalhs e clarulhes. Se produsiràn precipitacions qu'a prumères ores seràn moderades e que pendent era jornada seràn fèbles e intermitentes. Era còta de nhèu baisharà des 2.000 as 1.700 m.
Vents fòrts deth sud a prumères ores en tot aloishar en transcors deth dia.
Temperatures minimes doces, encara que leugèra descenuda des maximales (9°/11° en Les; 1°/2° en Baqueira 1800).

Eth dissabte 21, pendent eth maitin s'alternaràn clars e bromes. Pera tarde era nivolositat serà un shinhau mès destacable e se poderie produsir quauque fèble e isolat plojat damb còta de nhèu ath torn des 2.000 m. 
Es vents que seràn fèbles deth sud damb quauqua bohada fòrta en zònes nautes.
Repunt des temperatures diürnes (3°/15° en Les; -3°/1° en Baqueira 1800).

Eth dimenge 22, contunharam damb cèus variables, leugèraments mès caperadi qu'era jornada anteriora. Se pòden produsir quauques precipitacions fèbles damb còta de nhèu enes 1.200 m pendent eth maitin en tot pujar cap as 1.700 m pera tarde.
Descenuda de temperatures, que serà mès apreciable en zònes nautes. (5°/10° en Les; -4°/0° en Baqueira 1800).