Ath marge dera pertorbacion mediterranèa #Gloria enquiara maitiada deth dimèrcles ena Val d'Aran.

Aué deluns 20 de gèr, auram un maitin damb solei alternat damb quauques bromères escampilhades. Pera tarde aumentarà era nivolositat. Vents fèbles deth sud-est.
Temperatures per jos des abituaus entara epòca, qu'an provocat era net mès heireda de çò qu'amiam d'an (-3°/6 en Bossòst; -13°/-6° en Beret).

Eth dimars 21, serà pro caperat encara que damb quauques clarulhes. A darrères ores se poderien produsir bères precipitacions fèbles damb còta de nhèu sus es 1.500 m. Vents moderadi der èst damb quauques bohades fòrtes en zònes nautes.
Temperatures en ascens en tot apropar-se as normaus entà miei gèr (-3°/7 en Bossòst; -9°/-1° en Beret).

Eth dimèrcles 22, serà fòrça caperat damb precipitacions moderades que començarien de maitiada e perdurarien pendent tota era jornada. Era còta de nhèu se plaçarà ath torn as 1.600 m. Acumulacions de 25 a 30 cm en còtes nautes.
Es temperatures contunharàn en leugèra recuperacion (-3°/8 en Bossòst; -5°/-1° en Beret).