Dimars damb clars e bromes. Dimèrcles damb quauques nheuades en còtes nautes.

Aué dimars 21 de gèr, serà ua jornada damb alternancia de clars e intervaus embromadi. Vents der est damb bèra bohada moderada en zònes nautes.
Temperatures en recuperacion que se plaçaràn laguens des abituaus entara epòca (-2°/7° en Bossòst; -7°/0° en Beret).

Eth dimèrcles 22, pendent era maitiada auram precipitacions moderades damb còta de nhèu sus es 1600 m encara que puntuauments descenerie cap as 1300 m. Peth maitin e prumères ores dera tarde auram ua trèva damb quauques clarulhes. Pera tarde tornaràn es precipitacions entre fèbles e moderades. Era còta de nhèu anarà pujant cap as 1700 m.
Es plojats anaràn acompanhadi d'hanga a causa deth povàs en suspension d'origina nòrd-african e se pòden acumular de 15 a 20 cm en zònes nautes. Ath sud e ar èst dera Val es precipitacions seràn mès abondiues.
Vents moderadi deth Sud-est.
Es temperatures contunharàn en recuperacion (0°/8° en Bossòst; -5°/0° en Beret).

Eth dijaus 23, pendent era maitiada e eth maitin encara contunharàn es plojats de forma fèbla e còta de nhèu sus es 1.600 m. Pera tarde se dauriràn clars.
Vents moderadi deth sud.
Temperatura similara ara jornada anteriora (-1°/8° en Bossòst; -3°/0° en Beret).