Jornada inestable damb nheuades en còtes nautes dera Val d'Aran.

Pendent aguesta net s'an produsit nheuades qu'an deishat uns 15 cm en Pla de Beret. Er sorpresas a estat qu'era còta a descenut pro mès que n'auíem previst en tot arribar ath hons dera Val e en tot deishar uns 4 cm en Vielha, Causes de #Gloria.

Aué dimèrcles 22 de gèr, auram ua jornada damb nivolositat abondiua encara qu'en torn a meddia se dauriràn quauques clarulhes. Pendent era jornada se produsiràn plojats mès o mens intermitenti e acompanhadi de un shinhau d'hanga, encara que damb ua petita trèva en torn a meddia. Era còta de nhèu se plaçarà en torn as 1.300 en tot pujar cap as 1.600. Es precipitacions acumularàn de 15 a 20 cm encara qu'enes limits est e sud, seràn quauquarren mès abondiues.
Vents fèbles der est damb quauques bohades moderades en zònes nautes.
Temperatures normaus entara epòca (-1°/6° en Bossòst; -5°/-2° en Beret).

Eth dijaus 23, pendent era maitiada e eth maitin encara auram bromalhs alternadi damb clarulhes e precipitacions fèbles damb còta de nhèu ath torn des 1.700 m, que deisharien de 15 a 20 cm en còtes nautes. Pendent era tarde desapareisheràn es plojats e se dauriràn clars.

Vents fèbles deth sud
Temperatures similares ara jornada anterior (-1°/5° en Bossòst; -3°/-1° en Beret).

Eth diuendres 24, serà pro assolelhat damb quauqui bromalhs nauti. Vents fèbles deth sud.
Descenuda des temperatures nocturnes (-3°/7° en Bossòst; -7°/0° en Beret).