Dimenjada variabla, damb nheuades fèbles, quauqui clars e descenuda de temperatures ena Val d'Aran

Aué diuendres 17 de gèr, auram un maitin damb alternancia de bromes damb clarulhes; possibilitat de bèra fèbla e isolada precipitacion damb còta de nhèu sus es 1.600 m. Pera tarde aumentarà era nivolositat e se produsiràn nheuades fèbles damb còta que descenerà des des 1.200 m cap as 900 m. Acumulacions d'ath torn de 10 cm en Baqueira 2.500. Vents fèbles deth sud-oest pendent eth maitin, en tot virar a nòrd pera tarde.
Es temperatures desceneràn ath long dera jornada (3⁰/7⁰ en Les; -2⁰/-1⁰ en Beret).

Eth dissabte 18, auram solei embaranat per intervaus de bromalhs nauti e mieis. Pendent era net se produsiràn precipitacions fèbles damb còta de nhèu sus es 1.000 m e acumulacions d'uns 5 cm en còtes nautes. Vents fèbles deth sud
Es temperatures contunharàn en descenuda (-2⁰/6⁰ en Les; -7⁰/-1⁰ en Beret).

Eth dimenge 19, auram nivolositat abondiua encara que damb clarulhes ena part centrau deth dia. Precipitacions fèbles pendent era maitiada e a darrères ores. Còta de nhèu en tot descéner pro per jos es 600 m e acumulacions de 5 a 10 cm pendent tota era jornada. Vents fèbles deth nòrd damb quauqua bohada moderada.
Es temperatures un shinhau per jos es normaus entà epòca (-2⁰/3⁰ en Les; -8⁰/-1⁰ en Beret).