Darrèra jornada de temperatures doces. Nheuades fèbles entà deman diuendres. Dissabte damb solei embaranat per bromalhs nauti.

Aué dijaus 16 de gèr, encara auram ua jornada assolelhada damb vents fèbles deth sud damb quauques seguides moderades.
Darrèra jornada de temperatures diürnes doces (0°/14° en Les; -3°/2° en Beret).

Eth diuendres 17, serà pro caperat encara que damb quauques clarulhes a prumères e darrères ores. Se produsiràn precipitacions fòrça fèbles pendent eth maitin damb còta de nhèu sus es 1.600 m. A compdar de meddia es nheuades seràn fèbles, encara que puntuauments moderades. Era còta descenerà cap as 900 m. Acumulacions de 10 a 15 cm en Baqueira 2.500.
Vents entre fèbles e moderadi de compausant sud pendent eth maitin, en tot virar a nòrd pera tarde.
Acusada descenuda de temperatures (-1°/7° en Les; -4°/-1° en Beret).

Eth dissabte 18, pendent eth maitin auram solei damb quauqui intervaus de bromalhs de nauti e mieis que embaranaràn eth cèu. Pendent era tarde aumentarà era nivolositat e ja auançada era net se poderien produsir nheuades fèbles damb còta de nhèu sus es 1.000 m. Vents fèbles deth sud.
Es temperatures contunharàn en descenuda sustot es minimes (-3°/6° en Les; -9°/-2° en Beret).

Semble qu'eth dimenge serie ua jornada variabla damb bères nheuades fèbles.