Darrèr dia de temperatures primaueraus. Tornada ar "iuèrn" a compdar de deman pera tarde.

Aué deluns 24 de hereuèr, encara auram ua jornada assolelhada.
Darrèr dia de temperatures primaueraus (4°/19° en Vielha; 2°/12° en Pla de Beret).

Eth dimars 25, mos lheuaram damb quauqui bromalhs nauti. A mesura qu'auance era jornada era nivolositat serà mès compacta. Pendent era tarde e net se produsiràn precipitacions fèbles damb còta de nhèu que descenerà des des 1.800 m cap as 1.100 m e puntuauments quauquarren per dejós. Acumulacions d'ath torn de 5 cm en còtes nautes.
Temperatures en descenuda (0°/10° en Vielha; 1°/4° en Pla de Beret).

Eth dimèrcles 26, serà pro caperat damb nheuades fèbles e intermitentes peth dessús des 800 m, que poderien acumular der orde de 10 cm en còta 2.000. Vents moderadi deth nòrd damb quauqua bohada fòrta.
Es temperatures contunharàn en descenuda (1°/7° en Vielha; -5°/-3° en Pla de Beret).