Dimars damb bèra precipitacion fèbla pendent era tarde e net. Dimèrcles damb quauques nheuades loishes en còtes baishes.

Aué dimars 25 de hereuèr, a prumères ores auram bromalhs nauti; a mesura qu'auance eth maitin aumentarà era nivolositat. Pendent era tarde s'alternaràn bromalhs e clarulhes damb quauques precipitacions fèbles e intermitentes. Era còta de nhèu se plaçarà en torn as 1700 m en tot descéner cap as 1000 m a darrères ores. Acumulacions d'ath torn de 5 cm en còtes nautes. Vents fèbles deth nòrd-oest damb quauqua bohada moderada.
Temperatures en descenuda respecte as qu'èrem acostumadi en jornades anteriores (1°/12° en Vielha; -2°/3° en Pla de Beret).

Eth dimèrcles 26, serà pro caperat encara que damb quauques clarulhes esporadiques. Se produsiràn nheuades fèbles e intermitentes damb ua còta de nhèu en tot oscillar entre es 800 m e es 1.000 m. Acumulacions de 10 a 15 cm en còta 2.000. Vents de nòrd-oest damb quauqua bohada moderada.
Temperatures pròpries de fins de hereuèr (2°/8° en Vielha; -5°/-3° en Pla de Beret).

Eth dijaus 27, auram cèus variables, pas s'escarte que se produsisque bèra precipitacion damb còta de nhèu un shinhau mès nauta qu'es jornades anteriores ath torn des 1700 m. Vents deth nòrd-oest.
Temperatures minimes heiredes, ath temps que es diürnes se recuperaràn leugèraments (-1°/11° en Vielha; -7°/3° en Pla de Beret).