Dimèrcles damb quauques nheuades fèbles.

Aué dimèrcles 26 de hereuèr, auram un maitin pro embromat damb bèra clarulha esporadica; se produsiràn nheuades fèbles e intermitentes. Pera tarde contunharam damb precipitacions  fèbles e discontinues; era nivolositat contunharà en tot èster abondiua encara que damb clarulhes mès frequents. Era còta de nhèu se plaçarà ath torn des 900 m e se pòden acumular der orde de 10 a 15 cm en Baqueira 2.500. Vents deth nòrd-oest damb quauqua bohada moderada en zònes nautes.
Temperatures pròpries de finau d'hereuèr (1°/7° en Vielha; -4°/-3° en Pla de Beret).

Eth dijaus 27, s'alternaràn bromalhs e clarulhes. A darrères ores se poderie produsir bèra fèbla precipitacion damb còta de nhèu sus es 1.900 m e acumulacions de 5 a 10 cm en zònes nautes.
Temperatures en ascens (0°/11° en Vielha; -7°/4° en Pla de Beret).

Eth diuendres 28, auram clars damb quauques bromes a prumères ores. Bromalhs nauti e mieis pera tarde.
Temperatures peth dessús des abituaus entara epòca (4°/15° en Vielha; -1°/6° en Pla de Beret).