Deluns primauerau. Dimars damb fòrta descenuda de temperatures e quauques precipitacions fèbles.

Aué deluns 3 de hereuèr, serà ua jornada assolelhada damb quauqui bromalhs nauti e fòrça primi.
Temperatures primaueraus, pròpries deth mes de mai quasi de principis de junh (5°/21° en Gausac; 4°/6° en Baqueira 1800).

Eth dimars 4, s'anaràn alternàn clarulhes damb bromes, que seràn mès frequentes e compactes en torn ara mitat de jornada. Se pòden produsir precipitacions fèbles que deisharien de 2 a 5 cm de nhèu en zònes nautes. Còta de nhèu en tot descéner des des 2.200 cap as 1.100 m encara que puntuauments se poderie escapar quauque flòc en còtes inferiores. Vents fèbles deth nòrd damb bèra bohada moderada.

Fòrta descenuda de temperatures pendent era jornada damb enquia 10°C mens de maximala en hons de Val (5°/10° en Gausac; 0°/2° en Baqueira 1800).

Eth dimèrcles 5, a prumères ores encara auram quauques bruomes escampilhades en tot lheuar-se entà deishar-mos ua tarde assolelhada.
Es temperatures contunharàn en descenuda (0°/8° en Gausac; -6°/0° en Baqueira 1800).