4/2/20

Dimars damb precipitacions fèbles e descenuda de temperatures. Estabilitat entàs pròplèus dies.

Aué dimars 4 de hereuèr, auram un maitin damb bromes, alternades damb pòques clarulhes e precipitacions fèbles damb ua còta de nhèu que descenerà des des 2.200 m cap as 1.400 m.
Pendent era tarde s'alternaràn bromères damb clarulhes que s'imposaràn a darrèra ora. Se produsiràn quauques precipitacions fèbles, damb còta de nhèu en tot descéner cap as 1.000 m e se poderie escapar quauque borrilh per jos aguesta còta. Es fèbles nheuades deisharàn de 2 a 5 cm en zònes nautes e anaràn acompanhades de un shinhau d'hanga.
Vents moderadi deth nord-oest damb quauques bohades fòrtes en zònes nautes.
Temperatures en descenuda ath long dera jornada (3°/10° en Gausac; -3°/1° en Baqueira 1800).

Eth dimèrcles 5, serà pro assolelhat damb quauqua broma escampilhada a prumères ores.
Es temperatures minimes seràn heiredes e es diürnes demoraràn un shinhau mès cuertes qu'es abituaus entara epòca (-2°/8° en Gausac; -8°/1° en Baqueira 1800).

Eth dijaus 6 serà ua jornada assolelhada.
Recuperacion de temperatures que se plaçaràn leugèraments peth dessús des normaus (-1°/12° en Gausac; -3°/2° en Baqueira 1800).