6/2/20

Dijaus assolelhat e damb temperatures doces. Diuendres damb quauqui bromalhs nauti e mieis. Bones perspectives entara dimenjada.

Aué dijaus 6 de hereuèr serà ua jornada assolelhada.
Temperatura leugèraments peth dessús des abituaus entara epòca, damb quauquarren d'inversion termica a prumères ores (0°/12° en Gausac; 1°/2° en Baqueira 1800).

Eth diuendres 7, pendent eth maitin auram clari alternadi damb bromalhs nauti e mieis. Pera tarde era nivolositat serà mès importanta e embaranarà eth cèu.
Temperatura similara ara jornada anteriora, damb leugèra inversion termica pendent era maitiada e prumères ores deth maitin (0°/11° en Gausac; -1°/4° en Baqueira 1800).

Eth dissabte 8, peth maitin dominaràn es cèus sereni. Pendent era tarde aumentarà era nivolositat e pas s'escarte bèra fòrça fèbla precipitacion. I aurà preséncia de povàs en suspension d'origina nòrd-african.
Temperatura sense massa cambis (1°/12° en Gausac; -2°/3° en Baqueira 1800).

Semble qu'eth dimenge contunharie era estabilitat e es cèus sereni damb quauqui intervaus de bromes, mos ac calerà confirmar.

Deman poderatz escotar era nòsta prevision entara dimenjada en #EthMaitindAran de Catalonha Informacion en Aranés.