Dimenjada establa, pro assolelhada e damb temperatures doces ena Val d'Aran.

Aué diuendres 7 de hereuèr, auram ua jornada damb solei embaranat per bromalhs nauti e mieis, qu'en cèrti moments poderien corbí-lo totauments, en tot hèr pèrder era sensacion de relèu en zònes nheuades.
Temperatures doces entara epòca (1°/14° en Gausac; -1°/3° en Baqueira 1800).

Eth dissabte 8, pendent eth maitin e prumèra part dera tarde auram cèus sereni, encara que damb ambient un shinhau entrebolit per povàs en suspension d'origin nòrd-african. A darrères ores aumentarà era nivolositat e pendent era net pas s'escarte quauqua precipitacion fòrça fèbla e isolada.
Temperatures sense cambis (0°/14° en Gausac; -3°/3° en Baqueira 1800).

Eth dimenge 9, pendent eth maitin auram cèus quasi totauments sereni. Pera tarde aumentaràn es bromalhs nauti que embaranaràn eth cèu. Vents fèbles deth sud.
Es temperatures contunharàn leugèraments peth dessús des abituaus entà principis de hereuèr (1°/16° en Gausac; -3°/1° en Baqueira 1800).