13/2/20

Dijaus pòc variable entà premanir ua esplendida dimenjada de "primauera" ena Val d'Aran

Aué dijaus 13 d'hereuèr, auram un maitin pro assolelhad. Pera tarde aumentarà era nivolositat e pas s'escarte bèra fèbla precipitacion damb còta de nhèu ath torn des 1.800 m. Vents fèbles deth sud-oest pendent eth maitin, en tot virar a nòrd-oest a darrères ores.
Temperatures quauquarren peth dessús des normaus (4°/14° en Arties; -1°/4° en Baqueira 1800).

Eth diuendres 14, serà pro assolelhat, damb quauqua broma fòrça escampilhada en limit damb França.
Temperatures leugèraments mès baishes qu'era jornada anteriora. (2°/13° en Arties; -2°/5° en Baqueira 1800).

Eth dissabte 15, seguiram damb cèus sereni e quauques brises fèbles deth sud.
Temperatures en notable ascens (1°/16° en Arties; 1°/7° en Baqueira 1800).

Era net deth dissabte ath dimenge se celebrarà ERA NOCTURNA organizada per Copos Ski Club e auram cèus sereni damb ua temperatura mès qu'agradabla.

Eth dimenge contunharam damb ambient estable. Es temperatures poderien èster fòrça nautes, pròpries de fins de mai o principis de junh e superaràn es 20 ºC en poblacions deth hons dera Val.

Semble que a compdar deth deluns, auríem quauque cambi qu'en principi va pas a èster massa important, mès mos poderie deishar un shinhau de nhèu.

Vos arrebrembam que deman mos poderatz escotar-mos en Eth Maitin d'Aran e en Catalonha informacion en Aranés.