Dimenjada assolelhada e damb temperatures primaueraus.

Aué diuendres 14 de hereuèr, serà ua jornada assolelhada, sonque damb quauques bromères a prumères ores, que mos deisharàn mar de bromes e en tot lheuar-se rapidaments. Brises fèbles deth nòrd.
Temperatures peth dessús des normaus entara epòca (2°/13° en Arties; -2°/5° en Baqueira 1800).

Eth dissabte 15, seguiram damb cèus sereni leugèraments plapejadi per quauqui bromalhs nauti, fòrça primi e escampilhadi. Brises deth sud.
Temperatures maximales en ascens (1°/16° en Arties; 0°/7° en Baqueira 1800).

Eth dimenge 16, seguirà er ambient assolelhat tamb vents fèbles deth sud.
Temperatures de primauera que superaràn es 20ºC en hons dera Val (4°/19° en Arties; 1°/9° en Baqueira 1800).

Era setmana que ven, la començaram damb ua descenuda termica que normalizarà es temperatures,  encara que pas semble que vage a produsir-se massa precipitacion, ac seguiram en pròplèus bulletins.