Jornades variables entà premanir uns dies d'iuèrn era setmana que ven.

Aué diuendres 28 de hereuèr, a prumères ores encara demoraràn quauques bromères, que s'anaràn daurint a mesura qu'auance eth maitin e que deisharàn bèra fòrça fèbla precipitacion. Era rèsta dera jornada serà assolelhada damb quauqui bromalhs nauti e mieis. Pendent era tarde s'entrebolirà er ambient a causa deth povàs en suspension d'origina african.
Temperatures nautes entara epòca (5°/14° en Vielha; 1°/5° en Pla de Beret).

Eth dissabte 29, eth maitin serà assolelhat damb un shinhau de nivolositat mieja e nauta. Era tarde e net seràn mès embromadi e pas s'escarte bèt fèble e  intermitent plojat, damb ua còta de nhèu en torn as 1.400 m.
Temperatura similar ara jornada anterior (4°/13° en Vielha; -1°/3° en Pla de Beret).

Eth dimenge 1, s'alternaràn clars damb quauqui bromalhs baishi. Pas s'escarte bèt fèble e isolat plojat pendent era jornada, encara que mès probable pera tarde.
Temperatures en leugèra descenuda (1°/12° en Vielha; -2°/-1° en Pla de Beret).

Profitam entà hèr un shinhau d'auanç entara setmana que ven que semble serà d'iuèrn damb un deluns e dimars damb precipitacions que poderien deishar acumulacions significatives de nhèu. Ac verificaram En pròplèus bulletins.