Aué diuendres 9 d'octobre, serà ua jornada pro assolelhada damb quauques bromes nautes e primes que embaranaràn leugeraments enth cèu. A darrères ores aumentarà era nivolositat e pas s'escarte bèt fèble plojat.
Temperatures peth dessús des normaus entara epòca (9º/19º en Les; 8º/18º en Vila).
Eth dissabte 10, auram es tipiques bromères araneses alternades damb quauques clarulhes, sustot ara aubada e a darrères ores. Precipitacions fèbles e intermitentes que puntuauments arribarien a èster moderades. Còta de nhèu que baisharà enquia plaçar-se enes 1.800 m pendent era net.
Es temperatures desceneràn ath long dera jornada (8º/13º en Les; 7º/12º en Vila).
Eth dimenge 11, contunharam damb bromères e quaques estones enes que se deisharà entreveir eth solei. Precipitacions fèbles, irregulares e intermitentes pendent tota era jornada. Pera net es precipitacions seràn moderades. Còta de nhèu en tot oscilar entre es 1600 e es 1300 m encara que puntuauments se poderie escapar quauque flòc en Vielha. Acumulacions de 15 a 20 cm en còtes nautes.
Temperatures heiredes entà principis d'octobre (5º/9º en Les; 4º/8º en Vila).
Eth deluns 12, pendent eth maitin encara contunharam damb bromes e quauques rogines. Era còta de nhèu se plaçarà en torn as 1.700 m. Pera tarde se poderien daurir quauques clarulhes. Es temperatures contunharàn heiredes.
